മോഹങ്ങൾ

കന്യാകുമാരിയിലെ പാൽത്തിരയിൽ
നിൻ കൈ പിടിച്ച് നനഞ്ഞിറങ്ങാൻ

പാടത്തിൻ കരയിലെ കുഞ്ഞരുവിയിൽ
തോർത്തു മുണ്ടിട്ടു മീൻ പിടിക്കാൻ


നീല നിലാവിന്റെ മടിയിൽ കിടന്ന്
ആതിരത്താരകം കണ്ടുറങ്ങാൻ


തുമ്പികൾ പാറുന്നൊരാ തൊടിയിൽ
ഒളിച്ചേ കണ്ടേ കളിച്ചിരിക്കാൻ

കാറ്റത്ത് വീഴുന്ന കടുക്കാച്ചി മാമ്പഴം
ഒരുമിച്ചു നിന്നു നുണച്ചിറക്കാൻ

നിറഞ്ഞ വിഷുപ്പുലരിയിൽ നിൻ കൈയ്യാൽ
വിഷുക്കൈനീട്ടം വാങ്ങി ധന്യയാവാൻ

എല്ലാം എല്ലാം മോഹങ്ങൾ മാത്രമെന്നു ഞാനറിയുന്നൂ
മോഹിക്കാൻ ആരുടെയും സമ്മതം വേണ്ടല്ലോ !